Ekika kye Ngabi kyekimu ku bika by’aBaganda ebimanyiddwa era kiri mw’ebyo ebisinga obugazi. Akulira ekika kino y’ Omutaka Nsamba ng’atuula ku mutala Buwanda mu Saza ly’eMawokota, Ggombolola ya Musaale Buwama ate omuluka gwa Mumyuka.

Mu masooka ab’eNgabi abamu tebaavanga mu NSAMBA wabula buli lulyo nga lwetwala lwokka. Ssekabaka Daudi Ccwa 11 eyazaalibwanga ab’eNgabi ye yalagira bakkojjaabe okwegatta awamu bafune obukulembeze abwawamu. Kino kyateekebwa mu nkola mu mwaka gwa 1927 endyo z’abeddira e Ngabi bwezaatuula ne bakkiriziganya Nsamba okuba omukulu w’ekika kyabwe. Okuva olwo okutuusa wano jjo ly’abalamu ku mulembe Omutebi Nsamba yabadde atwala abeddira eNgabi bonna mu Buganda era Nsamba Yileera Mukaaku Lubega ye Nsamba eyasooka okuba nsamba atwala abe’Ngabi bonna awamu mukitole. Okuva nga ……….. essiga lya Kannyana n’erya Mutawe gekutula ku Nsamba newatandikibwawo ekika ky’engabi eNnyunga era ne Ssabasajja nasiima ekika ekyo naakitongoza nga bwekyakolebwa ne mubika ebirala (abe Mmamba balimu Kakoboza ne ya Ggabunga , Omutima ogwa Kakeeto eBbale ate n’Omutima omusagi).